Koncertno ljeto je u punom jeku, a jedan od najomiljenijih regionalnih pjevača Toni Cetinski, kako on kaže, nastupa svuda gdje ga publika voli.
Vanvremenskim hitovima obilježio je proteklu sparnu knjaževačku noć u okviru festivala “Kultura mladih”.
“Uvijek želim ići tamo gdje me zovu i gdje me žele čuti. Hvala Bogu to traje preko 30 godina. Opet smo ovdje i drago mi je zbog toga. Sjećam se da je prošli nastup bio dobar, postoje takvi momenti kada sam koncert kada se dogodi u takvom ambijentu postaje tradicionalan. Nadam se da će i moja ekipa reći da ćemo tradicionalno dolaziti ovdje kada god požele”, izjavio je Toni Cetinski za Kurir.
Na pitanje novinara o zabrani da pojedini srpski izvođači nastupaju u Hrvatskoj, pjevač je podsjetio na širenje ljubavi, baš kakvo ime i nosi ova turneja:
“Nisam za zabrane, i to uopšte. Meni je najteži zadatak jer širim ljubav kroz pjesme i ne želim učiti trovati o onome što se plasira u medijima. Sada sam se i diskonektovao sa društvenih mreža jer sam shvatio da uopšte nisu društvene. Ljudi nisu društveni, već su stalno na mrežama, koje su kao društvene. Maknuo sam se sa tih mreža i nemam dodira sa tim svijetom”.
Izvor CDM
Foto Mario Draušnik
